Əl-Qaidə liderlərindən biri xəbərdarlıq edib ki, ABŞ-ın yeni seçilmiş prezidenti Barak Obamanın Əfqanıstanda hərbi mövcudluğu genişləndirməsi planları uğursuzluğa düçar olacaq. Bu gün yaraqlıların veb səhifəsində yerləşdirilən audio mesajda terror şəbəkəsinin 2-ci komandiri Ayman Zavahiri həmçinin cənab Obamanın şərəfsiz olduğunu deyib. Bu, Əl-Qaidənin ali liderlərinin Barak Obamanın prezident seçilməsinə ilk reaksiyasıdır. Cənab Obama bildirmişdi ki, o, ABŞ-ın hərbi diqqətini Əfqanıstana və Əl-Qaidə ilə mübarizəyə yönəldəcək. Pentaqon artıq qoşunların İraqdan çıxardılıb Əfqanıstana göndərilməsi üzərində işləyir.