Gürcüstan rəsmiləri bildirirlər ki, Rusiyanın dəstəklədiyi separatçı döyüşçülər ayrlımaq istəyən Abxaziya respublikasına yaxın ərazidə polis yoxlama məntəqəsinə hücum ediblər.  Daxili İşlər nazirliyinin sözçüsü Şota Utiaşvili deyib ki, Rusiyanın zirehli maşınlarının müşayiət etdiyi abxaz döyüşçülər Qanmuxuri kəndi yaxınlığında qumbaralar partladıb və avtomat silahlardan atəş açıblar.  

 Abxaz separatçılar gürcülər onlara hücum etdikdən sonra atəş açdıqlarını bildiriblər.  Yaralanlar haqda məlumat verilməyib. 

Gürcüstanın nazirliyi Rusiyanın vertolyotlarının kəndin üzərində uçduğunu bildirir.