Beşîr Atalay(r)digel wezîrê navxweyî ye Iraqê.

Welatên Yekgirtîyên Amerîka, Turkîye û Iraq rêkeftin ku digel hev komîteyek deynin bo şerrê dijî serhildayên cudaxwazên Kurd ku ji bingehên li bakura Iraqê êrîş dikine ser Turkîye.

Duhî çarşembîyê serokwezîrê Iraqê Nurî El Malikî mêvandarîya axaftinên li ser vê babetê kir li Bexda jibo Wezîrê Navxweyî yê Turkîye Beşîr Atalay û Balyozê Amerîka Ryan Crocker.

Welatên Yekgirtîyên Amerîka û Iraq Partîya Karkerên Kurdistanê PKKê wek rêkxistinek terorîst binav dikin belê di wê xemê de ne ku êrîşa Turkîye bo ser serhildayan dê rewşa aramîyê li bakura Iraqê xerake.

Turkîye piştî ku li meha buhurî 17 serbazên wê di kemînekê de li başura rojhilata welatî hatin kuştin kiryarên xwe zêde kirîne.

Hêzên Leşkerî li Turkîye dibêjin roja çarşembîyê di hêrîşên cuda da li rojhilata Turkîye bikêmî sê serbaz û çar serhildayên PKKê hatine kuştin.
 
Serhilda ji sala 1984 heta niha jibo otonomîyê şer dikin li başura rojhilata Turkîye.  Di vî şerrî de bi dehan hezar kes hatine kuştin.