امریکہ میں قائم تنظیم فریڈم ہاؤس کی ایک رپورٹ میں کہا گیا ہے کہ دنیا بھر میں میڈیا کی آزادی میں کمی آئی ہے اور یہ رجحان گذشتہ چھ برس سے جاری ہے۔

جمہوریت نواز تنظم نے پریس کی آزادی کے بارے میں اپنی سالانہ رپورٹ منگل کے روز جاری کی۔

فریڈیم ہاؤس کی ایکزیکٹیو ڈائریکٹر جینیفر ونڈسر نے کہا ہے کہ اس سال کے عالمی سروے سے ظاہر ہوتا ہے کہ پریس کی آزادی پہلے سے کم ہوگئی ہے۔

رپورٹ میں شمالی کوریا کو میڈیا کی آزادی سب سے زیادہ کچلنے والا ملک قراردیا گیا ہے جس کے بعد ایریٹیریاپھر برما، کیوبا، لیبیا اور ترکمانستان کا نمبرہے۔

رپورٹ میں کہا گیاہے کہ مشرق وسطیٰ اور شمالی افریقہ میں کچھ بہتری دکھائی دی ہے جو اس سے پہلے میڈیا کی آزادی کے لحاظ سے سب سے کم درجے پر تھے۔

رپورٹ میں 195 ملکوں اور علاقوں کو تین درجوں میں تقسیم کیا جاتاہے۔یعنی آزاد، جزوی آزاد اور غیر آزاد۔ 2007ءمیں 37 فی صد کو آزاد، 30 فی صد کو جزوی آزاد اور 33 فی صد کو غیر آزاد کے زمرے میں رکھا گیا تھا جو 2006ءسےکم تھا۔

جائزے میں مجموعی طور پر ظاہر ہوا ہے کہ انفرادی ملکوں اور علاقوں میں میڈیا کی آزادی میں کمی کی شرح گذشتہ سالوں کی نسبت کہیں زیادہ تھی۔