لبنان کے سیاسی حریف توقع ہے کہ کئی ماہ پرانی سیاسی لڑائی کے خاتمے کے لیے قطر کے وزیر اعظم کی جانب سے دی جانے والی ایک تجویز پر اپنے ردعمل کا اظہار کریں گے۔

لبنان کی حزب اللہ کی حمایت یافتہ حزب اختلاف اور مغرب نواز حکومت کے نمائندے پیر کے روز اس منصوبے پر دوحہ ،قطر میں گفتگو کررہے ہیں ۔

قطر کے وزیر اعظم شیخ حماد بن خلیفہ التہانی حریف کیمپوں کو ایک امکانی خانہ جنگی سے بچانے کے لیے جمعے کے روز مذاکرات کی میزبانی کررہے ہیں۔

انہوں نے اتوار کے روز کسی لبنانی صدر کے انتخاب اور ایک متحدہ حکومت کی تشکیل کے لیے ایک تجویز پیش کی تھی۔

نئی حکومت کئی ماہ پرانی اس سیاسی کشمکش کو ختم کرے گی جس کے نتیجے میں لبنان میں نومبر کے مہینے سے صدر کا عہدہ خالی چلا آرہا ہے۔

گذشتہ ہفتے عرب لیگ نے اس کے بعد لبنان کے سیاسی بحران میں مداخلت کی جب حزب اللہ کے جنگجو بیروت میں گھس گئے اور حکومت کے حمائیوں پر حملے کیے۔ ان حملوں میں کم ازکم 67 افراد ہلاک ہوگئے تھے۔

حزب اختلاف کی جانب سے حزب اللہ کو ممکنہ طور غیر مسلح کرنے پر گفتو سے انکار کی وجہ سے قطر کے مذاکرات کشیدگی کا شکار ہیں۔

لبنان کے حکمران اتحاد کے ارکان نے کہا ہے کہ وہ اس بات کی ضمانتیں چاہتے ہیں کہ حزب اللہ آئندہ لبنانی لوگوں کے خلاف ہتھیار استعمال نہیں کر ے گی۔