کینز فلمی میلے کے افتتاح کے دن لیا گیا ایک گروپ فوٹو

فرانس کےمشہور عالمی فلمی میلہ کانز کا آغاز اِس ماہ کی 14 تاریخ سے

ہوچکا ہے۔ اس سال کانز فلمی میلے کی61 ویں سالگرہ کو یادگار بنانے کے لیے بین الاقوامی فلمی ستاروں کے ساتھ بالی وڈ کے ستارے بھی آب وتاب کے ساتھ چمک رہے ہیں۔

 ایشوریہ رائے، شلپا شیٹی ، امیتابھ بچن ،ابھیشیک بچن ، پریٹی زینٹا ، انل کپور ، ر یتو پرنو گھوش، کرن جوہر، وشال بھردواج کے علاوہ بھارتی فلم انڈسٹری کے تقریبا 20 فلمساز میلے کے دوران منعقد کی گئی ’ انڈین سنیماکانفرنس ’میں شرکت کررہے ھیں۔
کانز فلمی میلے کے پام ڈی اورایوارڈ کے لیے 22 فلموں کے درمیان مقابلہ جاری ہے۔12دنوں تک جاری رہنے والے  فلمی میلے کے دوران بھارت کی سات فلمیں نمائش کے لیے پیش کی جائے گی ۔
معروف بھارتی فلمساز کیتن مہتا نےاپن ی نئی فلم ’رنگ رسیا ’کے کچھ

مناظر کانز فلمی میلے میں نمائش کے لیے پیش کیے۔ فلم ’رنگ رسیا ’ کی کہانی بھارت کے نامور مصور ’راجا روی ورما’کی زندگی سے متاثر ہوکر لکھی گئی ہے۔اس فلم کو انگریزی میں ’کلرس آف پیشن ’کے نام سے جون کے آخری ہفتے میں پورے بھارت میں ریلیز کیا جائےگا۔

منا بھائی کے کردار کو فلمی پردے پر زندگی دینے والےراج کمار ہیرانی کی سپرہٹ فلم’لگے رہو منا بھائی‘ اور فلمساز منی رتنم کی فلم’گرو‘ کو بھی نمائش کے لیےکانز بھیجا گیاہے۔ ’جودھا اکبر‘ ، ’گول‘ اور ’میٹرو‘ یو ٹی وی فلم کمپنی نےاپنی اِن تین فلموں کو کانز فلم فیسٹیول میں نمائش کے لیے بھیجا ہے۔ اسں کے ساتھ ریتو پرنو گھوش کی فلم ’ دی لاسٹ لیئر‘ اور بنگالی فلم’دوسر‘ بھی نمائش کے لیے پیش کی جائےگی۔
انڈیانا جونز سیریز کی فلم ’ انڈیانا جونز اینڈ کنگڈم آف کرسٹ سکل‘ کاپریمیئر اس میلے کے دوران کیا گیا ۔
اس سال کانزفلمی میلے کی جیوری کی فہرست میں مشہور بھارتی فلم نقاد اور صحافی انوپما چوپڑا کو بھی شامل کیا گیا ہے ۔

گذرے زمانے کے صدا بہار ہیرو دیوانند کی لاجواب فلم ’گائیڈ  کو کانز کے کلاسیک فلموں کے زمرے میں نمائش کے لیے پیش کیا جائیگا۔