جاپان کے وزیر اعظم نے اعلان کیا ہے کہ وہ  2050ء تک گرین ہاؤس گیسوں کے اخراج میں ساٹھ سے اسّی فی صد کمی کا ہدف مقرر کر رہے ہیں۔ اس بات کا اعلان انہوں نے اگلے ماہ ہونے والےترقی یافتہ صنعتی ممالک کی سربراہ اجلاس سے قبل کیا ہے۔

آج پیر کے روز وزیر اعظم یاسو او فکودا نے اعلان کیا کہ وہ اس سلسلے میں ایک تجرباتی نظام اس سال کے آخر تک شروع کرنے والے ہیں۔

انہوں نے امید ظاہر کی کہ اگلے سال وہ گیسوں میں کمی کے ایک عبوری ہدف کا اعلان کریں گے۔ انہوں نے کہا کہ اگلے بارہ برسوں میں چودہ فی صد تخفیف ممکن ہو سکتی ہے۔ اور یوں جاپان کا ہدف یورپی ممالک کے برابر آجائے گا۔

مسٹر  فکودا نے کہا کہ جاپان اس بین الاقوامی فنڈ میں ایک اعشاریہ دو بلین ڈالر  فراہم کرے گا، جس کا مقصد گلوبل وارمنگ کا سدِّ  باب ہے۔