امریکی بازاروں اور طعام گاہوں نےتین قسم کے ٹماٹر فروخت کرنا بند کردئے ہیں کیونکہ ان کے بارے میں قومی سطح پر خبردار کیا گیا تھا کہ وہ سالمو نیل نامی بیماری پھیلا رہے ہیں۔

امریکی خوراک و ادویات کے ادارے نے خبردار کیا ہے کہ یہ جراثیم ان تین قسم کے ٹماٹروں میں، اگر وہ شاخ سے ٹوٹ چکے ہیں، موجو د ہو سکتے ہیں: روما، ریڈ پلم اور ریڈ راؤنڈ۔انہوں نے کہا کہ ادارہ ابھی تک اس کے اسباب معلوم کرنے کی کوشش کر رہا ہے۔

امراض سے بچاؤ کا محکمہ کہتا ہے کہ اس جرثومے نے اپریل سے اب تک ایک سو سڑسٹھ افراد کوبیمار کیا ہے جن میں کم سے کم تیئس کی حالت اتنی خراب تھی کہ انہیں ہسپتال لے جانا پڑا۔

اس خبر کے بعد سے مکڈانلڈ، برگر کنگ اور ٹاکو بیل نامی ریستورانوں نے کچےٹماٹر گاہکوں کو دینا بندکر دئے ہیں۔

امریکی خوراک و ادویات کے ادارے نے یہ بھی کہا ہے کہ چیری ٹماٹر ، گریپ ٹماٹر اور ان کے علاوہ وہ ٹماٹر کھانے میں کوئی حرج نہیں جو ابھی بیل سے الگ نہیں ہوئے ۔

ساموُنیلّا کا مرض عموماََ آلودہ کھانوں سے پھیلتا ہے۔اور پہلے بارہ سے بہتر گھنٹوں میں مریض کے اندر جو آثار نمودار ہوتے ہیں ان میں بخار، اسہال اور پیٹ درد شامل ہیں