گوانتانامو بے کے مسلمان قیدی نماز پڑھ رہے ہیں

امریکی سپریم کورٹ نےگوانتانامو بے کے قیدیوں کے سلسلے میں تیسری مرتبہ بش انتظامیہ کے خلاف فیصلہ دیا ہے۔پانچ میں سے چار ججوں نے اس فیصلے کے حق میں ووٹ دیا کہ کیوبا میں قید دہشت گردی کے مشتبہ افراد اپنی حراست کے خلاف شہری عدالتوں  میں  دعوے دائر کر سکتے ہیں۔

روم میں صدر جارج بش نے اخبار نویسوں کو بتایا کہ وہ سپریم کورٹ کے فیصلے کا احترام کریں گے۔ تاہم انہوں نے کہا کہ  یہ ضروری نہیں کہ میں اس فیصلے سے اتفاق بھی کروں۔

صدر بش نے کہا کہ عدالتِ عالیہ میں اس معاملے پر بہت زیادہ اختلاف ِ رائے تھا۔اور وہ ان لوگوں کے حامی ہیں جو اس فیصلے کے خلاف تھے۔ انہوں نے مزید کہا کہ ان کی انتظامیہ اس فیصلے کی تفصیلات کا مطالعہ کرنے کے بعد فیصلہ کرے گی کہ اس سلسلے میں مزید قانونی  چارہ جوئی کی جائے یا نہیں۔