 |
| ٹِم رسرٹ |
امریکی صحافت کی ایک قدآور شخصیت ٹِم رسرٹ جمعے کے دِن
واشنگٹن میں اپنے دفتر میں کام کرتے ہوئے گر پڑے اور انتقال کر گئے۔
سیاسی رہنماؤں اوراقتدار پر فائز شخصیات سے مشکل سوالات
پوچھنے کا اُن کا طرہٴامتیاز تھا۔
وہ این بی سی ٹیلی ویژن نیٹ ورک سے وابستہ تھے، اور اُن کی
موت دل کے دورے کے باعث پیش آئی۔
58 سالہ رسرٹ این بی سی واشنگٹن بیورو کے سربراہ تھے۔
اُنہوں نے 1991ء میں این بی سی کے انٹرویو پر مبنی پروگرام ’میٹ دِی پریس‘کے
میزبان کے طور پر فرائض انجام دینا شروع کیے۔پچاس برس سے زائد عرصے سے جاری اِس پرگرام میں رسرٹ نے ایک نئی
جان ڈال دی، اِس حد تک کہ یہ پروگرام
نشریات میں درجہ ٴ اول کی سطح کو چھونے لگا۔تلخ سوالات مسکراتے ہوئے انداز میں
کرنا اُن کی پہچان تھا۔
صدر جارج بش نے پیرس میں جاری بیان میں رسرٹ کی موت پر
غم کا اظہار کیا ہے۔ اُنہوں نے رسرٹ کو
اپنی ذات میں ایک انجمن قرار دیا، جِس نے
خبروں اور سیاست کے میدان میں بیس سال سے زائد عرصے تک راج کیا۔
دونوں صدارتی امیدواروں، ڈیموکریٹ براک اوباما اور ری پبلیکن جان مک کین نے اپنے عہد کے
نمایاں صحافی کے طور پر رسرٹ کو خراجِ تحسین پیش کیا ہے۔
آبائی شہر نیو یارک میں ڈیموکریٹک سیاستدانوں کے ساتھ کام
کرنے کے بعد، رسرٹ 1984ء میں براڈکاسٹ صحافت کے دھارے میں شامل ہوئے۔وہ دو بیسٹ
سیلر کتابوں کے مصنف بھی تھے۔
اس صفحے کو ای میل کیجیے
قابل چھپائی صفحہ
