امریکی ری پبلیکن پارٹی کے نامزد صدارتی امیدوار جان میک کین غیر ملکی تیل پر امریکی انحصار میں کمی اور عالمی تپش سے نمٹنے کے بارے میں اپنی تجاویز پیر کے روز ایک تقریر میں پیش کریں گے۔ 

ان کی تقریر کے اقتباسات میں ،جنہیں کیلی فورنیا کے خبررساں اداروں نے حاصل کیا ہے، کہا گیا ہے کہ سینیٹر میک کین موٹر گاڑیاں بنانے والی کمپنیوں سے مطالبہ کریں گے کہ وہ گاڑی کے انجنوں میں ایسی تبدیلی لانے کی رفتار تیز کریں جس سے وہ الکحل سے تیار شدہ ایندھن پر بھی چل سکیں۔ 

سینیٹر میک کین نے ہر اس صارف کے لیے ،جو ایسی گاڑی خریدے جس سے دھوئیں کا اخراج بالکل نہ ہوتا ہو،5000 ڈالر ٹیکس میں چھوٹ کی پیش کریں گے اور موٹریں بنانے والی جو کمپنیاں اپنی گاڑیوں میں ایندھن کے استعداد کے موجودہ معیار کی خلاف ورزی کریں گی ، ان پر جرمانے بڑھانے کی تجویز دیں گے۔ 

اتوار کے روز ڈیموکریٹک پارٹی کے تقریباً نامزد صدارتی امیدوار براک اوباما نے توانائی کے بارے میں قیاس آرائیوں کرنے والوں کے خلاف سخت اقدامات کی تجویز دی کیونکہ ان کا کہنا ہے کہ ایسے عناصر کی وجہ سے ایندھن کی قیمتوں میں ریکارڈ اضافہ ہوا ہے۔ 

تیل کی قیمتیں اوباما اور میک کین کے درمیان انتخابی مہم کا ایک ہممسئلہ بن گئی ہیں۔ سینیٹر میک کین چاہتے ہیں کہ کانگریس ساحلی علاقوں سے تیل نکالنے پر پابندی ختم کرے جب کہ اوباما کا کہنا ہے کہ اس اقدام سے مسئلہ فوری طور پر حل نہیں ہوگا۔