بنگلہ دیش میں عہدے داروں نے کہا ہےکہ ملک کے جنوب میں شدید بارشوں کے باعث مٹی کے تودے پھسلنے سے کم ازکم نو افراد ہلاک ہوگئے ہیں۔

حکام کا کہنا ہے کہ یہ ہلاکتیں جمعرات کی صبح ضلع کاکسس بازار کے تکناف میں اس وقت ہوئیں جب مٹی کے تودے پھسلنے کے دوالگ واقعات میں پہاڑیوں پر بنے ہوئے مکان دب گئے۔

مقامی عہدے داروں نے کہا ہےکہ ایک واقعے میں چار جب کہ دوسرے میں پانچ افراد ہلاک ہوئے جن میں اکثریت بچوں کی تھی۔

مون سون کی شدید بارشوں نے اس علاقے میں پچھلے کئی دنوں سے تباہی مچارکھی ہے۔ مٹی کے تودے پھسلنے کے جان لیوا واقعات بنگلہ دیش میں عام ہیں۔