برما کے فوجی حکمرانوں نے اکتوبر میں ہیروں کی نیلامی کا اعلان کیا ہے۔ بین الاقوامی طورپر اس نیلامی  کے بائیکاٹ کی اپیلیں کی گئی ہیں۔

عہدے داروں نے کہا ہے کہ اس نیلامی میں ہیرے موتی اور قیمتی پتھر شامل ہوں گے۔ برما میں قیمتی پتھروں کی آخری نیلامی سمندری طوفان نرگس کے صرف ایک ماہ بعد جون میں ہوئی تھی۔

برما قیمتی پتھر پیدا کرنے والا  اہم ملک ہے۔ دنیا کے 90 فی صد لعل بھی برما سے نکلتے ہیں۔برما کی فوجی حکومت کے لیے قیمتی پتھروں کی نیلامی آمدنی کا ایک بڑا ذریعہ ہیں۔

زیورات کی کمپنیاں اور انسانی حقوق کی تنظیمیں برما میں انسانی حقوق کی خلاف ورزیوں کے احتجاج میں خریداروں پربرما کے قیمتی پتھروں کے بائیکاٹ پر زور دے رہی ہیں۔جولائی میں امریکہ نے ایک قانون کے تحت کسی تیسرے ملک کے ذریعے برما سے قیمتی پتھروں کی درآمد پر بابندی لگا دی تھی۔