فرانسیسی وزیر خارجہ برناڈ کوشنیئر نے کہا ہے کہ روس کی جانب سے جارجیا کے علاقوں جنوبی اوسیتیا اور ابخازیہ کی آزادی کے تسلیم کیے جانے کے خلاف یورپی یونین روس کے خلاف پابندیاں لگانے پر غور کررہی ہے۔
کوشنیئر کا یہ بیان جمعرات کے روز پیرس میں یورپی یونین کی حکومتوں کے سربراہان کے اگلے ہفتے منعقد ہونے والے اجلاس سے قبل جمعرات کے روز سامنے آیا۔ فرانس کے پاس یورپی یونین کی صدارت ہے اور اس نے اس ماہ روس اور جارجیا کے درمیان تنازعے پر فائربندی کے معاہدے کی ثالثی کی تھی۔
روسی صدر دمتری میدویدیف نے جمعرات کے روز تاجکستان میں شنگھائی کارپوریشن آرگنائزیشن اپنے ایشیائی اتحادیوں سے جارجیا کے بحران میں روس کے موقف کی حمایت کرنے کی درخواست کی۔ اجلاس کے اختتام پر گروپ نے صورت حال پر تشویش کا اظہار کیا اور تمام فریقوں پر زور دیا کہ وہ اپنے اختلافات گفت و شنید کے ذریعے طے کریں۔
چین نے بھی کہا کہ اسے روس کی جانب سے جنوبی اوسیتیا اور ابخازیہ کے تسلیم کیے جانے پر تشویش ہے۔
اس صفحے کو ای میل کیجیے
قابل چھپائی صفحہ
