ہلری کلنٹن ڈیموکریٹک کنونشن سے خطاب کے دوران

اس ہفتے دیموکریٹک کنونشن میں سینیٹر ہلری کلنٹن نے صدراتی امیدوار براک اوباما کے لیے اپنی بھرپور حمایت کا اعلان کیا۔ ڈینور میں کنونشن سے خطاب کرتے ہوئے انہوں نے اپنے حامیوں پر زور دیا کہ وہ ایک پارٹی کے طورپر متحدرہیں۔

سینٹر ہلری کلنٹن نے ڈیموکریٹک کنونشن سے خطاب کرتے ہوئے پارٹی کے اتحاد اور سینیٹر براک اوباما کو انتخابات میں کامیابی دلانے کے لیے بھرپورکوشش پر زور دیا۔

انہوں نے کہا  کہ مجھے آج رات تقریب سے خطاب کا اعزار ملا ہے۔ مجھے ایک ماں ہونے پر ناز ہے، مجھے ڈیموکریٹ ہونے پر ناز ہے۔ ایک امریکی ہونے پر ناز ہے اور براک اوباما کا سپورٹر ہونے پر ناز ہے۔

لیکن ہلری کے تمام حامی پارٹی کے اتحاد کی بات نہیں کررہے۔ ڈینور کے پرانے شہر میں ایک تنظیم 18 ملین وائسز ، کا کہنا ہے کہ وہ ملک بھر میں ہلری کے حامیوں کی نمائندہ تنظیم ہے جس نے سینیٹر کے اعزاز میں ایک مارچ کا اہتمام کیا ہے۔ تنظیم کی بانی الزبتھ فشر کا کہنا ہے کہ ڈیموکریٹک پارٹی کو ان کی تنظیم کی حمایت جیتنے میں ایک عرصہ لگے گا۔

ان کا کہنا تھا کہ سب سے پہلے ان سب کو ایک روائتی رول کال ووٹ کرنے کی ضرورت ہوگی۔ جیسا کہ انہوں نے ہمیشہ کیا ہے۔ اور اگر وہ ایسا نہیں کرتے تو مجھے اس بارے میں بہت سے اعتراضات ہوں گے کہ انہوں نے ایسا کیوں نہیں کیا۔

ڈیموکریٹک پارٹی سینیٹر کلنٹن کے لیے ایک علامتی رول کال ووٹ پر متفق ہوگئی ہے۔ لیکن دونوں فریق ان کی تفصیلات پر متفق نہیں ہوئے ہیں۔ رائے عامہ کے حالیہ جائزوں سے ظاہر ہوا ہے کہ ہلری کے 42 فی صد ڈیلی گیٹس اوباما کی بجائے ہلری کو ووٹ دینا چاہتے ہیں۔ واشنگٹن کی ڈیلی گیٹ سنتھیا سوارٹز کا کہنا ہے کہ پارٹی کو متحد رکھنے   کی ذمہ داری صرف اور صرف اوباما پر ہے۔

سنتھیا کا کہنا تھا کہ یہ ہلری کی ذمہ داری نہیں ہے کہ وہ سینٹر اوباما کے لیے اپنے حامیوں کو ووٹ ڈالنے کے لیے کہیں۔ اگر وہ ہماری پارٹی کا راہنما بننے جارہے ہیں تو یہ سینیٹر اوباما کا کام ہے کہ وہ ہلری کے حامیوں کے ووٹ حاصل کرنے کی کوشش کریں۔

مارچ کرنے والے کچھ لوگ اوباما کی قطعی حمایت کرنے کے حق میں نہیں تھے۔ رائے عامہ کے جائزوں سے ظاہر ہوا ہے کہ ہلری کے تقریباً 28 فی صد حامی ممکن ہے کہ اپنی پارٹی کی امیدوار کو ووٹ نہ دیں۔ امریکی ریاست کولوراڈو کے شہر بولڈر کی کرس مو ، ری  پبلیکن امیدوار سینیٹر جان مکین کو ووٹ دینے کا سوچ رہی ہیں۔

کرس کہتی ہیں کہ ہلری کو نائب صدرات ملنی چاہیے تھی یاکم ازکم شارٹ لسٹ میں  شامل کیا جانا چاہیےتھے۔ مجھے سمجھ نہیں آتی کہ اوباما نے ان کے لیے ایسا کیوں نہیں کیا۔ خاص طورپراس کےبعد بھی جب انہوں نے خود کہا کہ وہ  شارٹ لسٹ میں ہوں گی۔

کنونشن  کے ہاہر مظاہرین  میں سے کچھ آوازیں اتحاد کے حق میں تھیں ۔ آسٹن ٹیکساس سے اوباما کی ایک ڈیلی گیٹ ایلس لنڈن نے کہا کہ انہوں نے کنونشن میں شرکت ہلری کلنٹن کی کامیابیوں کے احترام میں کی ہے۔

ایلس کا کہنا تھا کہ میرا خیال ہے کہ ہلری نے جو کچھ کیا وہ ایک تاریخی واقعہ تھا۔ میرا خیال ہے کہ یہ بہت اثر انگیز تھا۔ میں سمجھتی ہوں کہ انہوں نے ہر جگہ عورتوں کے لیے ایک دروازہ کھولا۔اگر ڈیموکریٹک پارٹی اس بات کو تسلیم کرلیتی ہے تو میرا خیال ہے کہ یہ ڈیموکریٹک پارٹی کے حق میں ہوگا۔