رائے عامہ کے ایک نئے جائزے سے ظاہر ہوا ہے کہ امریکی صدارتی امیدوار براک اوباما کو ان تین ریاستوں میں جان مک کین پر سبقت حاصل ہے جو وائٹ ہاؤس کا انتخاب جیتنے میں انتہائی اہمیت کی حامل ہیں ۔

کُوئنی پِیاک یونیورسٹی کی جانب سے بدھ کے روز جاری ہونے والے اس جائزے سےظاہر ہوتا ہے کہ اوہائیو ، فلوریڈا اور پینسلوینیا کی ریاستوں میں سینیٹر اوباما کی حمایت 50 فیصد یا اس سے بھی زیادہ ہو گئی ہے ۔

یہ جائزہ جمعے کے روز کے صدارتی مباحثے کے بعد اور پیر کے روز امریکی اسٹاک مارکیٹوں کی زبردست مندی کے دوران کیا گیا تھا۔

جائزے سے سنیٹر اوباما کے بارے میں اس اعتماد میں اضافہ ہوا ظاہر ہوا ہے کہ وہ اقتصادی بحران سے نمٹ سکتے ہیں ۔

 جائزے میں  اوباما کی صدارتی مباحثے میں نمایاں بہتر کارکردگی  کو سراہا گیا اور ان کے ری پبلکن حریف کی نائب صدارتی امیدوار الاسکا کی گورنر سارہ پیلن کے لیے نسبتاً خراب رائے ظاہر کی گئی ۔

 پیلن اوباما کے نائب صدارت کے ساتھی امیدوار سینیٹر جو بائیڈن سے جمعرات کے روز مباحثہ کریں گی ۔  

توقع ہے کہ اوباما اور میک کین  امریکی مالیاتی مارکیٹوں کے لیے ایک امدادی منصوبے کے لیے سینیٹ کی ووٹنگ میں حصہ لینے کے لیے بدھ کے روز واشنگٹن واپسی سے قبل معیشت کے بارے میں گفتگو کریں گے ۔