فضائی غوطہ خوروں نےاتوار نیپال میں اتوارکے روز ماؤنٹ ایورسٹ سے پیرا شوٹ کے ذریعے چھلانگ لگا کر نیا ریکارڈ قائم کیا ہے۔

ان میں ایک پر خطر برطانوی مہم جو ہولی بج نے ایک فرانسیسی خبررساں ادارے کہ بتایا کہ پیراشوٹ کے ذریعے چھلانگ کے دوران دکھائی دینے والا منظر بہت دلکش تھا۔

دوسرے دو سکائی ڈائیورز کا تعلق کینیڈا اور نیوزی لینڈ سے ہے۔

اس دورے کے منتظمین کا کہنا ہے کہ یہ تین افراد مختلف ممالک سے تعلق رکھنے والے ان 32 افراد میں شامل تھے جنہوں نے دنیا کی اونچی ترین چوٹی پر ایک طیارے سے چھلانگ لگانے کے لیے ایورسٹ کے علاقے میں آئے تھے۔

منتظمین کا کہنا ہے کہ چھلانگ لگانے والے معمول کے سائز کے پیراشوٹوں سے کہیں بڑے پیراشوٹوں کے ساتھ ساتھ آکسیجن کے ماسک استعمال کررہے ہیں تاکہ انہیں ہلکی او یخ بستہ ہوا میں اترنے میں آسانی رہے۔

سکائی ڈائیورز اپنے پیراشوٹوں کوکھولنے  اورزمین پراترنے سے پہلے تقریباً ایک منٹ تک آزادانہ طور پر گرنے کے تجربے سے گذرتے ہیں۔

نیوزی لینڈ کے ایڈمنڈ ہلیری اور نیپال کے تن زینگ نورگے وہ پہلے افراد تھے جنہوں نے 55 سال قبل ماؤنٹ ایورسٹ 8850 میٹر چوٹی کو کامیابی سے سر کیا تھا۔