بین الاقوامی فوجداری عدالت کے اعلیٰ وکیلِ استغاثہ  نے یوگنڈا کے باغی لیڈر جوزف کونی اور اس کے اعلی کمانڈوں کی گرفتاری کے لیے ازسرنو کوششوں کی اپیل کی ہے۔

آئی سی سی کے وکیلِ استغاثہ لیوئس موینو اوکامپو نے کونی کی لارڈ رزسسٹنس آرمی کے باغیوں پر 17 ستمبر کو ڈیموکریٹک ری پبلک آف کانگو کے دیہاتوں پر حملے کا الزام عائد کیا ہے۔

پیر کے روز ایک بیان میں وکلائے استغاثہ نے کہا کہ اس حملے  میں درجنوں عام شہری ہلاک اور ہزاروں بے گھر ہوئے تھے۔

انہوں نے یہ بھی کہا کہ اس بارے میں بھی اطلاعات موجود ہیں کہ ایل آر اے ایک ہزار افراد کو اغواکر کے اپنے ارکان کی تعداد میں اضافہ کررہی ہے۔