اسرائیلی پولیس نے کہا ہےکہ جنوبی اسرائیلی شہر میں جاری فرقہ وارانہ تشدد کے دوران اکا کے علاقے میں عربوں کےدو اپارٹمنٹس کو جلا دیا گیا۔

یہودی اکثریتی مضافاتی علاقے میں اکا میں  یہودی اور عرب رہائشیوں کے درمیان ہونے والی جھڑپوں کے تیسرے روز رات بھر جاری رہے۔

سینکڑوں پولیس اہل کار بلوؤں اور مزید تشدد کی روک تھام کے لیے شہر میں گشت کررہے ہیں۔ جب سے جھڑپیں شروع ہوئی ہیں، کم ازکم 12 افراد کو، جن میں عرب اوریہودی شامل ہیں، گرفتار کیا جاچکاہے۔

اسرائیل کے دوسرے حصو ں میں بھی تشدد کے پھوٹنے کے خطرے کے پیش نظر سیکیورٹی میں اضافہ کردیا گیا ہے۔

 اسرائیلی منتخب وزیر اعظم زپی لیونی نے جمعے کے روز اکا کا دورہ کیا اور رہائشیوں پر زور دیا کہ وہ پرسکون رہیں اور قانون کو اپنے ہاتھوں میں نہ لیں۔ امن عامہ کے وزیر ایوی ڈچٹر نے بھی پرسکون پر رہنے پر زور دیا۔

یہ لڑائی بدھ کے روز اس وقت شروع ہوئی جب نوجوان یہودیوں نے یوم کپور کی یہودی تعطیل کے دوران کم ازکم ایک عرب کو گاڑی چلانے کی بنا پر تشدد کا نشانہ بنایا۔