امریکہ کی موٹرگاڑیوں کی سب سے بڑی کمپنی جنرل موٹرز کے بارے میں بتایا گیا ہے کہ وہ کرائسلر کمپنی کے ساتھ ایک امکانی ادغام کے بارے میں ابتدائی مذاکرات کررہی ہے۔

نیویارک ٹائمز اور وال اسٹریٹ جنرل نے ان مذاکرات کا علم رکھنے والے افراد کے حوالے سے یہ خبر دی ہے۔ انہوں نے کہا ہے کہ یہ مذاکرات گذشتہ ماہ جی ایم اور کرائسلر کی زیر ملکیت ایک نجی ایکویٹی کمپنی سربرس کیپٹل منیجمنٹ کے ساتھ گذشتہ ماہ شروع ہوئے ۔

اس ممکنہ انضمام سے ڈیٹرائٹ کی تین بڑی موٹر کمپنیاں دو بڑی کمپنیوں کی شکل اختیار کرسکتی ہیں۔ فورڈ کمپنی بھی  ڈیٹرائٹ میں قائم ہے۔

نیویارک ٹائمز نے خبر دی ہے کہ سربرس کمپنی ،نسان اور رینالٹ سمیت دوسری موٹر ساز کمپنیوں سے بھی مذاکرات کررہی ہے۔

عالمی مالیاتی بحران سے ان خدشات میں اضافہ ہوگیا ہے کہ امریکہ کی بڑی بڑی موٹرساز کمپنیاں دیوالیہ ہوسکتی ہیں۔ گاڑیوں کی فروخت میں نمایاں کمی آئی ہے اور تجزیہ کاروں کا کہنا ہے کہ کاروں کے ممکنہ خریدار وں کو قرضوں کے حصول میں دشواریوں کا سامنا ہے۔