زمبابوےکی حزب اختلاف نے کہاہے کہ صدر رابرٹ موگابے کی جانب سے اپنی جماعت زانو پی ایف کو اہم وزارتیں تفویض کیے جانے کے بعد شراکت اقتدار کا معاہدہ خطرے میں پڑ گیا ہے۔

زمبابوے کے ایک سرکاری بیان میں ہفتے کے روز کہا گیا کہ صدر موگابے نے دفاع، داخلی اور اور مالیات  کی وزارتیں زانو پی ایف کے کنٹرول میں دے دی ہیں۔

حزب اختلاف نے اس اقدام کو یک طرفہ قرار دیا۔

اس اقدام کا اعلان مسٹر موگابے،حزب اختلاف کے لیڈر موومنٹ فار ڈیموریٹک چینج کے مارگن چنگیرائی اور حزب اختلاف کے الگ ہوجانے والے دھڑے کےسربراہ آرتھر موتمبرا کے درمیان مذاکرات کے ایک روز بعد ہوا۔

تمام حریف جمعے کےر وز اس بات پر متفق ہوگئے تھے کہ جنوبی افریقہ کے صدر تھابو ایمبکی کو تعطل دورکرنے کی کوشش میں ہرارے دوبارہ آنے کے لیے کہا جائے۔