ترک فوج نے کہا ہے کہ اس کے جنگی طیاروں کو توپ خانے کے یونٹوں نے شمالی عراق میں کرد باغیوں کے درجنوں ٹھکانوں پر بمباری کی ہے۔

ایک فوجی بیان میں کہا گیاہے کہ شمالی عراق کے علاقے ہرکوک میں جمعے کے روز  کردستان ورکزپارٹی کے 31 ٹھکانوں پر جمعے کے روز کامیابی سےحملے کیے گیے۔

پی کے کے ایک ترجمان نے کہا کہ اس حملے میں باغیوں کا کوئی جانی نقصان نہیں ہوا۔

ترک عہدے دار سیکیورٹی فورسز پر حملوں کے بعد کرد باغیوں کے خلاف نئی کارروائیوں پر غور کررہے ہیں۔ گذشتہ ہفتے کرد جنگجوؤں نے عراقی سرحد کے قریب جنوبی مشرقی ترکی میں ایک فوجی چھاونی پر حملہ کرکے 17 ترک فوجیوں کو ہلاک کردیا تھا۔ بدھ کے روز جنوب مشرقی علاقے ہی میں پولیس کی ایک گاڑی پر حملے میں 7 افراد ہلاک ہوئے تھے۔