کرغستان میںآ نے والے زلزلے میں کم از کم 58افراد ہلاک اور متعدد زخمی ہو گئے ہیں۔ ریکٹر سکیل پر زلزلے کی شدت 6.3 تھی۔ حکام کا کہنا ہے کہ زلزلے سے سب سے زیادہ متاثرہونے والا کرغستان کا گاؤں نارو ہے جو چین کی سرحد کے قریب واقع ہے۔ کہا جارہا ہے کہ یہ دیہات مکمل طور پر تباہ ہو چکا ہے۔

کرغستان کی حادثات سے نمٹنے والی وزارت کے مطابق امدادی کاروائیوں کے لیے امدادی ٹیمیں اور ڈاکٹر متاثرہ گاؤں کی جانب روانہ کر دی گئی ہیں۔امریکہ کی ارضیاتی سروے کے مطابق زلزلے کے جھٹکے تاجسکستان، ازبکستان اور وسطی ایشاء کے کئی علاقوں تک محسوس کیے گئے۔

حکام کی جانب سے زلزلے کے نتیجے میں ہونے والی ہلاکتوں میں اضافے کا خدشہ ظاہر کیا جا رہا ہے۔