سری لنکا کے شمالی وسطی قصبے انورادھاپور میں ہونے والے ایک خود کش حملے میں سابق میجر جنرل جناکا پریرہ سمیت کم از کم 20 افراد ہلاک اور متعدد زخمی ہو گئے ہیں۔

مقامی پولیس کے مطابق اس حملے میں ہلاک ہونے والوں میں سری لنکا کی حزب اختلاف کی جماعت یونائیٹڈ نیشنل پارٹی کے سربراہ جناکا پریرہ کے علاوہ ان کی اہلیہ بھی شامل ہیں۔

جنرل پریرہ ملک نے وسطی شمالی صوبے سے حالیہ انتخاب میں صوبائی اسمبلی کی نشست پر کامیابی حاصل کی تھی جس کے بعد وہ صوبائی اسمبلی میں قائد حزب اختلاف بن گئے تھے۔ جناکاپریرہ ریٹائر منٹ کے بعد آسٹریلیا اور انڈونیشیا کے سفیر بھی رہ چکے ہیں۔

 جنرل پریرہ 90 کی دہائی میں سری لنکا کے جزیرے جافنا میں تامل باغیوں کے خلاف حکومتی آپریشن کے کمانڈر رہ چکے ہیں۔

حکام ان کے قتل کی ذمہ داری تامل ٹائیگر ز باغیوں پر ڈال رہی ہے جب کہ جنرل پریرہ کی جماعت یونائیٹڈ نیشنل پارٹی کا کہنا کہ حکومت کو اس واقعہ کی ذمہ داری قبول کرنی چاہیے کیونکہ ان کے بقول سیاسی وجوہ کی بنا پر ان کی سیکورٹی کے لیے مطلوبہ اقدامات نہیں کیے تھے۔