واشنگٹن ڈی سی میں زمین کا عالمی دن منایا گیا

دنیا بھر میں زمین کا عالمی دن مارچ کے مہینے میں منایا جاتا ہے جبکہ امریکہ کی کئی ریاستوں میں اپریل میں یہ دن منانے کا اہتمام کیا جاتا ہے۔ اس موقع پر مختلف تقاریب اور سمینارز ہوتے ہیں اور لوگوں کو یہ یاد دہانی کرائی جاتی ہے کہ یہ زمین جو ہمیں خوراک اور گھر مہیا کرتی ہے، اس کی حفاظت اور اسے ماحولیاتی نقصانات سے بچانا ہمارا فرض ہے۔

امریکہ کی ریاست ویسٹ ورجینیا میں رضاکاروں کے ایک گروپ نے یہ دن سات ہزار پودے لگا کر منایا۔ اس گروپ کے کین سٹرم کا کہنا ہے کہ درخت زمین کے محافظ ہیں۔ درخت ماحول کو آلودہ ہونے سے بچاتے ہیں، زمین کی شکست و ریخت کو روکتے ہیں اور موسموں پر خوش گوار اثرات مرتب کرتے ہیں۔

ان کا کہنا تھا کہ جن ندی نالوں اور جھیلوں کے کنارے زیادہ درخت ہوتے ہیں وہاں مچھلی کی افرائش زیادہ ہوتی ہے کیونکہ درخت پانی کے درجہ حرارت کو بڑھنے سے روکتے ہیں اور معتدل درجہ حرارت میں مچھلیوں اور آبی حیات کی افزائش بڑھ جاتی ہے۔