ہلری کلنٹن اور براک اوباما پنسلوانیا میں ایک مباحثے کے دوران

پنسلوانیا میں ڈیموکریٹک پارٹی کے دونوں سینٹرز خود کو بہتر ثابت کرنے کی کوششوں میں مصروف ہیں۔ براک اوباما نے اپنا اختتام ہفتہ ٹرین پر پوری ریاست کا دورہ کرنے میں گزارا اس ٹرین کا نام ہے جارجیا 300 یہ ایک تاریخی ٹرین ہے جسے صدر کارٹر, بش اور کلنٹن نے بھی استعمال کیا تھا۔

براک اوباما نے ہلری کلنٹن کے مقابلے میں اس انتخابی مہم پر بہت بڑی رقم خرچ کی ہے جس میں ایک نئے ٹی وی اشتہار کے ذریعے ہلری کلنٹن کے ہیلتھ پلان کو بے فائدہ ثابت کرنے کی کوشش کی گئی ہے۔

جبکہ ہلری کلنٹن اور ان کی مہم کے سٹاف کا کہنا ہے کہ اوباما ان پر سخت تنقید کر رہے ہیں۔

یہ خبریں بھی عام ہیں کہ ہلری کلنٹن کے پاس اب انتخابی مہم چلانے کے لیے کافی رقم نہیں ہے اور انہیں مالی تعاوں فراہم کرنے والے جتنا دے سکتے تھے دے چکے ہیں۔