صدارتی امید وار میٹ رومنی مشی گن کا پرائیمری انتخاب جیت گئے

امریکی ریاست میسا چیوسٹ کے سابقہ گورنر میٹ رومنی ایری زونا کے سینیٹر جان میک کین اور ریاست آرکینسا کے سابق گورنر مائیک ہکا بی کو ہرا کر ریپبلکنز میں ریاست مشی گن کا پرائیمری انتخاب جیت گئے ہیں ۔مٹ رامنی اس صدارتی انتخاب کی دوڑ میں اب تک کسی ریاست میں جیتنے والے تیسرے ریپبلیکن امیدوار ہیں ۔

ادھر ڈیمو کریٹز نے منگل کی شام ہونے والے ایک مباحثے میں نسلی تعلقات پر ہونے والی تلخ جھڑپ کے خاتمے کا عہد کیا ہے ۔ اس سال کے اوآخر میں ہونے والے ان نیشنل کنوینشنز جن میں صدارتی عہدے کے لیے نمائیندوں کو باضابطہ طور پر نامزد کیا جائے گا میں اپنے ڈیلی گیٹز بھیجنے کے لیے دونوں جماعتیں ریاستوں میں مرحلہ وار ووٹنگ میں مصروف ہیں ۔

مشی گن میں پرائیمی انتخاب والے دن صبح سویرے برف باری ہوئی ۔ گاڑیوں کی تباہ حال صنعت کے گھر اس ریاست میں بے روزگاری سات فیصد سے اوپر ہے جو کہ قومی شرح سے کہیں زیادہ ہے ۔۔ ایک ایسے وقت میں جب کہ ان کی پارٹی جنوبی کیرولائینا میں ووٹنگ کی تیاریوں میں مصروف ہے تین مختلف ونرز کے ساتھ یہ دوڑ اس وقت ریپبلکنز کے لیے ایک بہت زیادہ پھیلا اور بکھرا ہوا معاملہ ہے ۔